rosary

peace to all!

I dont know where to place this,
LIVE STREAMING OF SARAH GERONIMO CONCERT IN JAPAN : http://www.ustream.t...r-live-in-japan

ENJOY!

"Tulog na puso ni Gerald, ayaw pang gisingin ni Sarah"

ALLAN DIONES
Abante-Tonite Aug 12, 2011

HINDI natuloy ang planong pagkikita nina Sarah Geronimo at Charice sa Los Angeles, California nang pumunta roon kamakailan si Sarah para mag-aral.

Gustong gawan ng kanta ni Charice si Sa­rah at plano sana nilang magtagpo sa Amerika para sa binabalak nilang song collaboration pero hindi ‘yon natuloy.

“Unfortunately, kasi si Charice, sobrang busy nu’ng bata.

She’s doing a mo­vie, tapos, ginagawa niya ‘yung album niya. Hindi ko po siya nakausap. Sayang ta­laga.

“Pero nag-message po siya sa akin na she’s still interested na mag-push through pa, na matuloy ‘yung aming collaboration.

“Hopefully, sana matuloy po talaga. Hindi naman po namin minamadali. Kung talagang mangyayari, mangyayari,” masiglang bulalas ni Sarah sa ‘surprise’ presscon niya kahapon nang tanghali sa 9501 resto ng ABS-CBN.

Bale 3 weeks tumagal ang lessons na kinuha ni Sarah sa US kaya halos hindi siya nakapagbakasyon doon dahil araw-araw siyang nag-aaral.

Hindi siya pumasok sa isang formal school sa LA, nag-one-on-one lessons lang siya ng singing and dancing. Magkaiba ang kanyang voice at dance teacher.

“Gusto ko lang pong mas lumawak pa ‘yung knowledge ko pagdating sa arts at dito sa craft na meron ako. The same lang din naman po sila magturo doon. Mas mahal lang silang sumingil, kasi dolyar! Ha! Ha! Ha!

“At saka napipilitan po akong mag-Ingles, pero okey naman. Nakakatuwa dahil ‘yung akin pong dance teacher, black siya na Jamaican.

“So, ‘yung movements niya, napaka-fluid. Napakanatural. ‘Yun lang po. Pampa-boost lang po ng self-confidence,” nakangiting sey ng Popstar Princess.

Sey pa ni Sarah, hindi niya kino-consider ang sarili niya na ma­galing at hindi na niya kailangang mag-aral. Gusto niyang ma­laman ‘yung mga technique ng effortless singing kaya siya nag-take ng lessons abroad.

Gusto niya ring mag-cooking lessons at mag-painting kung may time.

Kababalik lang ni Sa­rah mula sa dalawang successful shows nila ni Mark Bautista sa Australia. Meron siyang ongoing concert tour ng Record Breaker, tapos ay may shows siya sa Dubai, Israel, Korea at Japan.

By September ang Philipppine concert tour ng What Love Is nila ni Martin Nievera. Nakatakda na rin niyang simulan this month ang second mo­vie nila ni Gerald Anderson.

Hindi ito sequel ng Catch Me…I’m In Love kundi bagong istorya, sabi ni Sarah. Ididirek ito ng writer-director na si Dado Lumibao.

***

Na-excite ang press sa sinabi ni Sarah sa presscon niya kahapon na kesyo 23 years old na siya at gusto niyang i-share na merong bagong ‘nagpaparamdam’ sa kanya.

Hindi niya ito itatago at ready na silang humarap nang sabay para i-share ang nasabing good news.

Tapos ay tinawag niya si Gerald para samahan siya. ‘Yun pala ay si Gerald ang bagong endorser ng Globe Prepaid at magkapareha sila ni Sa­rah sa bagong campaign ng Globe.

Akala namin ay totoong lovelife na ang ihaha­yag ni Sarah.

Pero teka, talaga bang ‘nagpaparamdam’ si Gerald kay Sarah? Anong klaseng pagpaparamdam ba ‘yon?

“Like I said, ‘yung friendship po namin at ‘yung professionalism, ‘yun po ang importante ngayon.

“Lalo na, we’ll be starting a new movie. Siyempre, gusto namin na sana, tuluy-tuloy po ‘yung success ng movie namin. So, ‘yun po,” naka-smile na dayalog ng guwapong young actor.

Parang kinikilig si Sarah nu’ng sabihin niya na meron siyang ipapakilala. Gaano na ba sila ka-close ni Gerald?

“Ano, tamang ano lang… tamang friendship! Ha! Ha! Ha! At saka kung ano po ‘yung nakikita nila sa screen, ‘yun naman ang bunga ng magandang trabaho namin at nu’ng friendship. ‘Yung chemistry,” pakli ni Sarah.

Posible bang mauwi ito sa totohanan at manligaw talaga si Gerald kay Sarah?

Biglang kumanta si Sarah ng, “Bakit ‘di na lang, totohanin ang lahat…”

Natawa si Gerald bago sumagot ng, “Hindi, si­yempre hindi po dapat pinipilit ‘yan. Kung mangyayari, mangyayari po.

“You know, just take it slow. Siguro, friendship… siyempre ‘yun po ‘yung foundation namin, ‘yung friendship namin.”

Butt-in ni Sarah, “Yes. At saka ‘yun naman po ‘yung goal namin talaga, hindi naman lovelife. Ha! Ha! Ha!

“Hindi naman para maghanap ng boyfriend o girlfriend. Ang goal po namin ay mag-entertain ng mga tao.”

May pag-asa ba sa kanya si Gerald sakaling totohanin nitong manligaw?

“Ha! Ha! Ha! Hindi, siyempre ano lang po ‘yon… ‘yun nga po ang nakakatuwa sa amin ni Gerald.

Kumbaga, naging komportable agad kami sa isa’t isa, na nabibiro ko siya. Hindi na siya pikon. So, ‘yun po siguro.”

Sundot ng 22-anyos na young actor, “‘Yun po ang importante ngayon, na ma-maintain namin ‘yung closeness namin.”

Hindi sinagot ni Sa­rah ang tanong. Malaki ba ang chance ni Ge­rald if ever?

“Eh, huwag po muna nating gisingin ang pagmamahal… hindi pa tamang panahon,” napapa­ngiting hirit ng young diva.

Natutulog ba ang damdamin ngayon ni Sarah?

“He! He! He! Ge­rald…” sabay pasa niya kay Gerald ng tanong.

Bakit, tulog din ba ang puso ngayon ni Gerald?

“Tulog pa siya, eh. Tulog pa. So, pinapatulog ko lang muna para career first,” nakangiting sagot ng Fil-Am hottie.

Si Sarah ba, tulog din ang puso ngayon?

“Hindi naman po. Ha! Ha! Ha! Okey lang naman. Hindi naman kailangang ma-pressure. ‘Di ba, Gerald?” sambit pa ng dalaga.

Siyanga pala, partikular na pino-promote ng dalawa ang bagong unlimited texting promo (to all networks) ng Globe Prepaid na P25 lang kada araw at may kasamang 10 minutong libreng tawag at 1 oras na libreng mobile browsing.

Mag-text lang ng UALLPLUS25 sa 8888 para maging SUPERUNLI ALLTXT-er na rin gaya nina Sarah at Gerald!

Tweeted by Ate Mhel:

FINAL ANNOUNCEMENT - We'll resched Sarah's post bday party on Aug.10, 6pm @ #180 Mindanao Ave.Tandang Sora QC PLEASE DO NOT RETWEET!Thanks

Watch out na lang for further announcement.
God bless!